OCIT - NA ACCRIDATED NA ISIP ASSESSMENT CENTER SA SLAUGHTERING NC II

Ozamiz City — Malipayon nga gipahibalo sa Ozamiz City Institute of Technology nga opisyal na silang accredited assessment center sa Technical Education and Skills Development Authority alang sa Slaughtering Operations NC II.

Pinaagi niini, mahimo nang direkta nga magpa-assess ug makakuha og National Certificate (NC II) ang mga aplikante dinhi mismo sa Ozamiz City, nga maghatag og mas sayon nga akses sa skills certification alang sa mga gustong magtrabaho sa abattoir ug meat processing industry.

Ang Slaughtering Operations NC II nagtudlo sa husto, limpyo, ug makatawhanong proseso sa pag-ihaw sa mga hayop, lakip ang stunning, bleeding, ug pagproseso sa karne, nga importante alang sa food safety ug industry standards.

Ang maong kalampusan nahimong posible pinaagi sa paningkamot sa mga lider sa dakbayan ug probinsya ubos ni City Mayor Sam Norman Go Fuentes, uban sa suporta ni Asenso Pinoy Partylist Representative Indy Oaminal nga maoy nag-follow up niini sa nasyonal nga lebel, ug sa pag-abag nila 2nd District Congressman Ando Oaminal ug Provincial Governor Henry S. Oaminal.

Gilauman nga kini nga inisyatibo makapalig-on sa technical skills sa mga Ozamiznon ug magbukas og dugang oportunidad sa trabaho ug panginabuhian.