IKA-84 NGA ARAW NG KAGITINGAN GISAULOG SA OZAMIZ

Gipangunahan ni City Mayor Sam Norman Go Fuentes ang paghandum sa ika-84 nga anibersaryo sa Araw ng Kagitingan pinaagi sa wreath-laying ceremony nga gipahigayon sa Jose Rizal Monument, Prospera Park karong buntagAbril 9, 2026.

Uban sa temang “Giting ng Bayani, Pamana sa Salinlahi,” gipasiugdahan sa maong kalihokan ang kaisog, sakripisyo, ug patriotismo sa mga beterano nga nagbilin og mahalagang panulondon alang sa umaabot nga henerasyon.

Mitambong usab sa maong selebrasyon si City Councilor ug ABC President JJ Canlas, kauban ang 51 ka mga Punong Barangay sa dakbayan. Miduyog usab ang International Order of DeMolay nga nagpakita sa ilang suporta pinaagi sa pagpanghatag og mga bandila sa Pilipinas ngadto sa mga barangay.

Ang maong kalihokan nagsilbing pagpasidungog sa mga bayani nga mibarog alang sa kagawasan sa nasud ug pahinumdom sa tanang Pilipino nga ipadayon ang diwa sa kagitingan sa matag henerasyon.