MISAMIS OCCIDENTAL OVERALL CHAMPION SA NMRAA 2025

 

Sa pinakaunang higayon, ang delegasyon sa Misamis Occidental (One Asenso MisOcc), nakab-ot ang titulo nga Overall Champion sa Northern Mindanao Regional Athletic Association (NMRAA) 2025. Ang ilang kinatibuk-ang medalya mao ang Gold: 94 , Silver: 77 , Bronze: 59, nga may total nga 230 ka medalya.

Ang maong kalampusan resulta sa padayon nga suporta ug pagdasig ni Gobernador Henry Oaminal sa mga atleta sa lalawigan. Ang ilang dedikasyon, kakugi nga maoy nagdala kanila sa kadaugan.

Sa miaging tuig, 2024, ang Misamis Occidental nakuha ang 3rd overall champion sa elementary level sa NMRAA nga gipahigayon sa Camiguin, diin nakakuha sila og 52 ka gold, 56 ka silver, ug 77 ka bronze nga medalya, nga may total nga 185 ka medalya.

Ang padayong suporta sa lokal nga kagamhanan, ilabi na ni Gobernador Oaminal, nagpakita sa ilang pagpalambo sa mga atleta sa lalawigan. Usa ka ehemplo niini mao si Benerando Basan, usa ka atleta nga nakadaog og tulo ka bulawan nga medalya sa NMRAA 2024, nga gihatagan og bag-ong balay ni Gobernador Oaminal isip pagpasalamat sa iyang kalampusan.

Ang kadaugan sa Misamis Occidental sa NMRAA 2025 usa ka dakong dungog alang sa lalawigan ug usa ka inspirasyon sa tanang Misamisnon nga magpadayon sa pagpaningkamot ug pagpakita sa ilang abilidad sa natad sa sports.​///(Glenn Ray Roluna/MNN)