𝐒𝐖𝐀𝐓 𝐑𝐞𝐟𝐫𝐞𝐬𝐡𝐞𝐫 𝐒𝐞𝐦𝐢𝐧𝐚𝐫 𝐆𝐢𝐩𝐚𝐡𝐢𝐠𝐚𝐲𝐨𝐧 𝐬𝐚 𝟏𝐬𝐭 𝐏𝐌𝐅𝐂 𝐇𝐞𝐚𝐝𝐪𝐮𝐚𝐫𝐭𝐞𝐫𝐬 𝐬𝐚 𝐎𝐫𝐨𝐪𝐮𝐢𝐞𝐭𝐚 𝐂𝐢𝐭𝐲

 

Niadtong Agosto 27, 2024, alas 7:30 sa buntag, gipahigayon ang seremonyal nga pagbukas sa SWAT Refresher Seminar sa headquarters sa 1st Provincial Mobile Force Company (PMFC) sa Oroquieta City, Misamis Occidental. Ang maong kalihokan gipagpangulo ni Police Major Dennis P. Tano, Officer-in-Charge sa 2nd PMFC, kauban si Police Lieutenant Colonel Kaddafy P. Bitor, Force Commander sa 1st FMFC, ug si Police Chief Master Sergeant Chona G. Ramayrat, nga nagsilbing Police Leadership Development and Discipline Division (PLDDD) representative.

Ang pagbukas sa seminar gisaksihan sa mga miyembro sa SWAT unit, uban ang uban pang mga opisyal ug mga partisipante aron nga mapalambo pa ang ilang kahibalo.

Si PLTCOL Bitor atol sa iyang opening remarks mipadayag sa kamahinungdanon sa SWAT Refresher Seminar isip kabahin sa padayon nga pagpalambo sa kahibalo sa mga miyembro sa SWAT team. Gihatagan niya dakong gibugaton nga ang misyon sa SWAT mao ang pagresponde sa mga kritikal nga sitwasyon nga nagkinahanglan ug espesyal nga kahibalo ug taktika, kini usa usab ka oportunidad aron masiguro nga ang tanang miyembro andam ug eksperto sa ilang trabaho.

Si PMAJ Tano, sa iyang bahin, mipahayag sa iyang suporta ug pagdasig alang sa mga partisipante. "Kini nga seminar naghatag og dakong kahigayonan aron ipa-repaso ang mga practices ug mapanig-on pa ang pagpakabana sa mga miyembro sa SWAT aron mahimong andam sa bisan unsang sitwasyon."

Si PCMS Ramayrat, mipahinumdum sa kamahinungdanon sa disiplina ug leadership development isip integral nga bahin sa pagpalambo sa performance sa usa ka SWAT team. Gipasiugda niya ang pagpadayon sa pagkat-on ug pagpalambo sa mga abilidad aron masiguro ang kaluwasan sa komunidad.

Ang SWAT Refresher Seminar magpadayon sa pila ka adlaw, diin ang mga partisipante mahimong motungha sa lain-laing mga leksyon ug praktikal nga pagsanay. Ang maong kalihukan gilantaw nga maghatag ug dako nga impact sa kahandam ug kapasidad sa SWAT team sa Misamis Occidental, pinaagi sa pag-andam kanila sa mga posibleng emerhensya ug kritikal nga mga sitwasyon.

Kini nga kalihokan nga gi organisar sa Mobile Force Company sa Misamis Occidental inubanan sa 0ag suporta sa pagagamhanan nga probinsyal sa pagangulo ni Governor Henry S. Oaminal inubanan sa pag abag ni 2nd District Congressman Cong. Ando Oaminal, nagpakita lamang kini sa pagkahiusa sa mga opisyal ug miyembro sa kapulisan sa tibuok Misamis Occidental, nga buot mapalambo ang ilang kapasidad aron masiguro ang proteksyon sa mga katawhan.///(Glenn Ray Roluna/MNN)