ALLOWANCE ALANG SA ASENSO PAMILYA; ONE FAMILY ONE PROFESSIONAL GRANTEES SA PROVINCIAL GOVERNMENT NA DAWAT NA!

 

Gipahigayon kagahapong adlawa ang kagamhanang probinsyal sa Misamis Occidental nipagawas ug pay-outs ngadto sa 885 ka college student grantees gikan sa lain-laing lungsod pinaagi sa Asenso Pamilya: One Family, One Professional Program. Ang Munisipyo sa Jimenez adunay 55 ka grantees, Tudela adunay 50, Clarin adunay 50, Sinacaban adunay 50, DonVic adunay 50, OLT Ozamiz adunay 54, Bonifacio adunay 106, Tangub City adunay 270, Sapang Dalaga adunay 100, Baliangao adunay 50, ug Conception adunay 50 ka mga grantees.

Ang pag-apod-apod nahimong posible pinaagi sa paningkamot ug inisyatiba ni Gobernador Henry Oaminal ug gipahigayon niadtong Marso 18, 2024, sa lain-laing mga lungsod ug syudad ning probinsya. Kini nga programa nagtumong sa pagtabang sa mga estudyante nga makatapos sa ilang mga degree sa kolehiyo ug mapadali ang pagpanarbaho sa umaabot. Sa unang adlaw sa pag-apod-apod, ang mga grantees nakadawat sa ilang allowance nga nagkantidad og P15,000 alang sa Enero-Marso nga panahon sa 2nd semester sa School Year 2024. Ang Asenso Pamilya Program naghatag ug binuwan nga stipend nga P5,000 sa tibuok semester sa school year, nga nagtabang sa mga estudyante sa paggasto sa ilang mga galastuhan nga may kalabotan sa edukasyon.///