𝐏𝐀𝐆𝐏𝐀𝐋𝐀𝐌𝐁𝐎 𝐒𝐀 𝐋𝐄𝐀𝐑𝐍𝐈𝐍𝐆 𝐓𝐎𝐎𝐋𝐒 𝐒𝐀 𝐎𝐙𝐀𝐌𝐈𝐙 𝐆𝐈𝐏𝐀𝐍𝐆𝐔𝐍𝐀𝐇𝐀𝐍 𝐒𝐀 𝐀𝐒𝐄𝐍𝐒𝐎 𝐎𝐙𝐀𝐌𝐈𝐙 𝐀𝐃𝐌𝐈𝐍𝐈𝐒𝐓𝐑𝐀𝐓𝐈𝐎𝐍

Kagahapon Agosto 20, 2024, Gipangunahan mismo ni Ozamiz City Mayor Indy Oaminal, Jr. ang usa ka Ceremonial Distribution sa mga bag-ong kahimanan sa Edukasyon ug Pipila ka mga proyekto nga pagpalambo sa mga tulonghaan ning syudad, Kompleto usab nga mitambong sa maong kalihokan ang mga Konsehales ning syudad sa pagpangulo ni Vice Mayor Simplicia O. Neri, kinsa naghatag og gibug-aton sa tinguha sa siyudad nga mapaayo ang sistema sa edukasyon.

Atol sa mensahe ni Ozamiz City Mayor Atty. Henry "Indy" F. Oaminal, Jr., siya naghisgot sa kamahinungdanon sa pag-invest sa edukasyon isip pamaagi sa pagpasiugda sa kalambuan ug kalamboan sa komunidad, kin nahimong possible usab tungod sa Good Governance ug Good Fiscal Management sa syudad maong napatuman kini nga mga proyekto alang sa maayo nga kaugmaon sa mga kabataan.

Gi-turnover ang mga Smart Televisions ngadto sa nagkalain-laing eskwelahan. Kabahin sa 93 ka yunit ang gihatag alang Public Schools sa Grade 1 ug Grade 2 classrooms, nga maghatag ug dugang na digital learning environment alang sa mga kabataan.

Gawas sa mga Smart TV, ang Wi-Fi (Star Link) connectivity gihatag sa upat ka mga eskwelahan: Ozamiz City School of Arts and Trades, Ozamiz City National High School, Roman E. Mabini Sr. Elementary School, ug Gala Elementary School. Gidahom nga kini nga inisyatibo makapahapsay ug dako sa pag-access sa mga online resources ug digital learning tools.

Sa maong kalihokan, gipahigayon usab ang turnover sa pipila ka mga proyekto sa imprastruktura. Usa sa mga gipasidunggan nga proyekto mao ang pag-ayo sa duha-ka-andana nga building sa Misamis Annex Integrated School ug ang pagtukod sa usa ka Home Economics Building sa Dimaluna Integrated School. Kini nga mga proyekto mahinungdanon aron masiguro nga ang mga eskwelahan aduna’y hapsay ug maayo nga learning environment.

Dugang pa, nahuman ug giturnover usab ang mga perimeter fences ug gates ngadto sa nagkalain-laing eskwelahan, lakip na ang Felipe Carreon Central School sa Brgy. Bañadero, Bacolod Elementary School sa Brgy. Bacolod, ug Pershing Tan Queto Sr. Elementary School sa Brgy. Trigos. Gipa improved usab ang mga school fences ug gates sa Maximino S. Laurete Sr. Central School sa Brgy. Calabayan ug Labinay National High School sa Brgy. Labinay.

Si Dr. Nimfa R. Lago, CESO VI ug Schools Division Superintendent, mipadayag sa iyang pagpasalamat ug gibug-aton ang kahinungdanon niini nga mga kalamboan sa paghatag og mas maayong educational environment alang sa mga estudyante.

Ang kalihokan gitapos nga adunay kusog nga pagbati sa kalampusan ug bag-ong komitment sa pagpadayon sa mga paningkamot nga maghatag og kalidad nga edukasyon alang sa tanang estudyante sa Ozamiz.///