PNP CHIEF UG UBA'NG DAGKONG OPISYAL SA PNP KAUBAN ANG MGA OPISYAL SA MISAMIS OCCIDENTAL NAG FELLOWSHIP DINNER

Ozamiz City - Sa usa ka Facebook post nga gipagulwa ni Misamis Occidental 2nd District Congressman Ando Oaminal usa ka fellowship treat nga gipasiugdahan ni CPNP PGEN BENJAMIN ACORDA JR. kauban sila Ozamiz City Mayor Atty. Indy Oaminal, Misamis Occidental Gov. Henry S. Oaminal.

Nahisgutan sa maong panagtipok ang kabahin sa Peace and Order sa Probinsya sa Misamis Occidental ug onsa ang mamahimong matampo sa mga opsiyales ning probinsya, distrito ug syudad kung onsaon mas mamahimong masmalungtaron ang pagpatunhay sa kahusay ug kalinaw ning atong lugar.

Nagkanayon si Cong. Ando sa iyang post nga "Cheers to better Peace and Order in Misamis Occidental, in Region 10, and in the whole country!"

Gipasalamatan usab ni Oaminal si CPNP Acroda Jr. sa fellowship treat nga gi-organisar niini aron usab sa pagkulokabildihay kung onsay alang sa kaayohan sa matag katawhan ug nahimong positibo ug produktibo usab ang maong panagtagbo.

Andam ug tagana usab nga mohatag supporta ang pagagamhanan ning probinsya ngadto sa mga kapulisan sa tibuok nasud ug ilabi na dinhi sa probinsya sa Misamis Occidental tataw usab kaayo kini tungod kay kung onsa ang mga gikinahanglanon sa mga kapulisan andam ug tagana sila Governor Henry, Cong Ando, Mayor Indy sa paghatag niini aron nga mas mamahimong epektibo pa niini ang ilang pagbuhat sa ilang tahas.

Gawas nila Chief PNP ug mga opsiyales sa Misamis Occidental anaa usab ang pipila ka mga kadagkoan sa PNP nga sila PBGen. Leo Franciso, PMGen. Emmanuel Peralta ug PMGen. Jon Arnaldo.///(GRR/MNN)