𝗗𝗜𝗟𝗚 𝗠𝗜-𝗜𝗟𝗔 𝗡𝗜𝗟𝗔 𝗔𝗖𝗧𝗜𝗡𝗚 𝗠𝗔𝗬𝗢𝗥 𝗕𝗨𝗟𝗔𝗛𝗔𝗡 𝗨𝗚 𝗔𝗖𝗧𝗜𝗡𝗚 𝗩𝗜𝗖𝗘 𝗠𝗔𝗬𝗢𝗥 𝗖𝗨𝗜𝗭𝗢𝗡 𝗦𝗔 𝗕𝗢𝗡𝗜𝗙𝗔𝗖𝗜𝗢

 

Gi-klaro ni DILG X Regional Director Wilhelm Suyko atol sa nahimong Interview sa mga sakop sa media niadtong Hunyo 8, 2023 nga giila sa Department of Interior and Local Government (DILG) sila Ricky Bulahan isip nga maoy Acting Mayor ug si Loloy Cuizon mao ang Acting Vice Mayor sa Bonifacio, Misamis Occidental.

Kini human nga nagpahamtangan ug 60Days Suspension sa Sangguniang Panglalawigan si Mayor Samson Dumanjug ug Vice Mayor Evelyn Dumanjug niadtong May 30, 2023 samtang kamulo pa nga gi-dungog sa Sangguniang Panglalawigan ang gipasaka nga sumbong nga Betrayal of Public Trust batok sa magtiayong Dumanjug.

Kini ang gipaklaro ni DILG X Regional Director Wilhelm Suyko sa gihimong interview sa mga sakop sa lokal media niadtong Hunyo 8, 2023 tungod kay bisan ug adunay gipakanaog nga Suspension Order ang Sangguniang Panglalawigan sa Misamis Occidental niadtong Mayo 30, apan nagdumili sa pagkanaog sa iyang opisina ug nanirado si Suspended Mayor Samson Dumanjug.

Nasayran nga niadtong Hunyo 7, 2023 mipagawas ug usa ka Memorandom Order si DILG X Regional Director Wilhelm Suyko nakaunod niini nga ilahang pormal nga acknowledge si Bulahan ug Cuizon nga maoy temporaryo nga modumala sa posisyon isip nga Mayor ug Bise Mayor sa Bonifacio aron usab nga malamdagan ang mga katawhan sa maong lungsod.

Niadtong Hunyo 9, 2023 atol sa pagbisita sa mga sakop sa media sa Balay Lungsod sa Bonifacio sila Acting Mayor Ricky Bulahan ug Acting Vice Mayor Loloy Cuizon anaa temporaryo nga nag opisina sa DILG Office sa maong lungsod ug tapad ra usab sa Municipyo niini tungod kay ang Municipal Hall sa Bonifacio ang gi okopahan kini ni Suspended Mayor Samson Dumanjug.///(GRR/MNN)