𝗢𝘇𝗮𝗺𝗶𝘇 𝗖𝗶𝘁𝘆 𝗠𝗮𝘆𝗼𝗿 𝗜𝗻𝗱𝘆 𝗢𝗮𝗺𝗶𝗻𝗮𝗹 𝗝𝗿. 𝟮𝗻𝗱 𝗿𝗮𝗻𝗸 𝘀𝗮 𝗥𝗣𝗠𝗗: 𝗙𝗶𝗿𝘀𝘁 𝘁𝗲𝗿𝗺𝗲𝗿 𝗺𝗮𝘆𝗼𝗿𝘀 𝘀𝗮 𝗣𝗶𝗹𝗶𝗽𝗶𝗻𝗮𝘀

Gipagawas sa RP-Mission and Development Foundation Inc. (RPMD) ang “Top Performing First-Term City Mayors in the Philippines” sa gihimong independent ug non-commissioned “Boses ng Bayan” survey, nga nagpakita sa Pipila ka dalaygon nga pagdumala ug mahinungdanong kontribusyon sa ilang matag mga syudad.

Gibutyag sa report ang talagsaon nga performance nila ni Mayors Eric Singson sa Candon City kinsa nakakuha ug (92.8%), Jeannie Sandoval sa Malabon (91.9%), Along Malapitan sa Caloocan (91.8%), ug John Rey Tiangco sa Navotas City (91.82%) nga statitistically-tied sa 1st rank.

Ika duha si Mayor Denver Chua sa Cavite nakahipus ug (88.85%) ang atong halandong Mayor Indy Oaminal Jr. sa Ozamis nakakuha ug (88.78%). Samtang anaa sa ikatulong posisyon sila si Mayor Bambol Tolentino sa Tagaytay (88.29%), Mayor Lucy Torres sa Ormoc (87.91%), Mayor Geraldine Rosal sa Legaspi (87.55%), ug Mayor Sheen Tan sa Santiago (87.42%) .

Samtang nagsunod kanila ang unsi pa ka mga mayor nga managsamang anaa naglumpong sa ikalimang puwesto.

Ang “performance assessment” sa “first-term City Mayors in the Philippines” labihan ka mahinungdanon gumikan kay kini pagtimbang-timbang sa ilang katakos nga modumala ug mitumanon sa mga panaad sa panahon sa kampanya. Kini nagpromote sa pagka adunay tulubagon, transparensiya, ug pagtuman sa mga obligasyon sa publiko.

Pinaagi sa pagtuki o pagsusi sa ilang mga kusog ug kahuyangon, ang mga alkalde makadawat ug suporta para sa pagpalambo ug mas epektibo nga pagserbisyo sa ilang mga hurisdiksyon.

Kini nga mga review nagpalig-on usab sa pagsalig ug kumpiyansa sa publiko sa gobyerno pinaagi sa pagpakita og transparensiya ug pagkab-ot sa mga lideratong performance, nagkanayon si Director Paul Martinez, Executive Director sa RP-Mission and Development Foundation Inc.

Kahinumduman dili pa lamang duhay giila usab si Ozamiz City Mayor Atty. Henry Eny F. Oaminal Jr, isip top I sa tibuok Region 10, nga mipakita ug dalaygon ug outstading performance isip city mayor.

Gumikan niining lain na usab nga pag-ila ,mibuhos na usab ang dugang pagdayeg ug pagsaludo sa katawhang Ozamiznon ngadto sa batan-ong mayor sa dakbayan sa Ozamiz uban ang panghinaut nga magpadayon pa kini sa paghimo ug mga maayong serbisyo ug dalaygong mga buhat alang ug tungod sa kaayuhan sa katawhan ngadto na sa hingpit nga bug-os nga pag-asenso sa Ozamiz.///(GRR/MNN)