FIRST MEETING NI CONG ANDO INGON NGA KONGRESISTA UBAN SA MGA BARANGAY KAPITAN SA OZAMIZ; P200K FINANCIAL AID NAHIMO NANG P500K

 

Emotional ug malipayon kaayo ang mga kapitan sa dakbayan sa Ozamiz sa dihang nakigtagbo kanila si Cong. Ando Oaminal uban ni Mayor Atty. Indy Oaminal pinaagi sa usa ka fellowship dinner nga gipahigayon sa Bethany Gardens Lunes sa gabii, Oktubre 3, 2022.

Bisan sa kakusog sa ulan, wala gayod pakyasa sa tanang mga kapitan ug mga lideres gikan sa 51 ka mga barangay sa dakbayan ang imbitasyon ni Cong Ando ug Mayor Indy ug taliwala sa lamian nga panihapon ug kumustahay, malipayon nga gipahibalo ug gi-turnover ni Cong. Ando ug Mayor Indy ang P500, 000.00 financial aid para sa tanang mga barangay alang sa tuig 2022. Kahinumdoman nga sa kampanya alang sa May 2022 elections, gisaad sa Team Asenso nga ipadayon ni Mayor Indy ang gisugdan nga mga programa, serbisyo ug proyekto ni former mayor, Cong. Ando, sa Ozamiz City.

Year 2019, P200,000.00 ang financial aid nga nadawat sa matag barangay; another P200K sa 2020 ug P300K pagka-2021!

From P200K to P500K, ingon niana, ka-palangga sa atong mayor ug kongresista ang mga Ozamiznon, ang mga Misamisnon! Truly #AlagangOaminal, #AlwaysOaminal, ug #LubosLubos ug #TinudAnayNgaSerbisyo.

Kini gawas pa sa nakumpleto na ug ongoing pa nga mga proyekto ug serbisyo dinhi sa Ozamiz City!

Personal usab nga napaabot sa mga kapitan atol sa fellowship dinner ang ilang mga plano ug gikinahanglan alang sa ilang matag barangay ngadto kang Cong. Ando ug Mayor Indy. Napaabot usab kanila ang usa ka sistema kung sa unsang paagi isumite kang Cong. Ando pinaagii kang Mayor Indy ang ilang gi-propose nga mga proyekto alang sa mas plastar, hapsay ug mas paspas nga katumanan ug implementasyon.

Bisan taliwala sa padayon nga pakigbatok sa pandemya, padayon ang Team Asenso sa pagtuman sa mga saad niini samtang padayon sila pagpanguna kanato padulong sa #AsensoOzamiz, #AsensoSegundoDistrito ug #AsensoMisamisOccidental!