LAIN HUGNA SA MGA BHW's NAHATAGAN NA SA ILANG 1ST QUARTER ALLOWANCE
Barangay Guimad - adunay 5 ka BWH's ug ang ilang Barangay nakakuha ug 54.05% booster rate sa ilang barangay ug ika Top 43, ang Barangay Kinuman Sur usab nga nakakuha ug 54.47% ihap sa naboosteran sa ilang barangay maong hingpit na nakadawat ang ilang 8 ka mga BHW's sa ilang allowance, ug 8 ka mga BHW's usab sa Barangay Bagakay ang nakakuha sa ilang allowance tungod kay ang ilang barangay naka kuha ug 51.44% sa booster vaccination rate. Ang katapusan usab nga nahatagan sa susamang adlaw mao ang Barangay Calabayan nga adunay 11 ka mga BHW'S nga nakakuha ug 55% sa mga naka pabakuna sa ilang barangay.
Emosyonal usab ang usa sa mga BHW's nga nahatagan gikan sa Barangay Kinuman Sur tungod kay bisan sa mga ilang naagian nga mga kaagi atol sa ilang pagawhag sa ilang ka barangay nga magpa booster apan ila ra gihapon kini nga na kombenser aron nga magpa bakuna.
Dako ang ilang nahimong kalipay ug pagpasalamat ngadto ni Mayor Atty Indy Oaminal Jr., 2nd District Congressman Ando Oaminal ug Misamis Occidental Governor Henry Oaminal tungod kay nakita usab nila ang nahimong gibuhat nga efforts sa mga BHW's aron sa pagpa paspas sa pagpamakuna dinhi sa syudad sa Ozamiz kung asa ang syudad Top performing City nga nagpahigayon Booster Vaccination dinhi sa Rehiyon X.
No comments