MAYOR UG BISE MAYOR SA LUNGSOD SA BONIFACIO,MISOCC SUSPENDIDO UG 60 DIYAS

 

Bonifacio, Misamis Occidental - Suspendido sa ilang mga katungdanan sila si Bonifacio Mayor Samson Dumanjug ug Vice-Mayor Evelyn Dumanjug ug wala kini madawat nga sweldo ang magtiayong pinili sa lungsod sa Bonifacio.

Ang pagsuspenso sa magtiayon alayon kini sa naka-pending nga administrative cases nga gipasaka ngadto sa hawanan sa Sangguniang Panlalawigan sa tulo ka mga barangay Kapitan sa Bonifacio nga sila si Brgy. Captain Raymund Retubado, Gabriela Panungalinga ug Elsa L. Colegado batok nila ni Mayor Samson Rodrigo Dumanjug ug Vice Mayor Evelyn Capirig Dumanjug, tungod sa (For: Abuse of Authority, Dishonesty and Grave Misconduct.)

Nasayran ang administrative case batok sa magtiayong Dumanjug naggumikan sa milyones nga pundo nga giutang pa sa lungsod sa Bonifacio sa Land Bank of the Philippines. Para lamang makapalit ug duha ka heavy equipment para magamit sa munisipyo. Matud pa, sa complaint second hand ug over- priced ang gipalit nga amphibious excavator ug garbage compactor sa Bonifacio-LGU.

Sa pag-served sa preventive suspension wala sa munispyo sila si Mayor ug Vice Mayor Dumanjug.

Ang Secretary to the Sangguniang Bayan sa Lungsod ang midawat para ni Vice Mayor Evelyn, samtang nakadawat usab ug copy ang HRMO, Municipal Treasury, DILG ug COA ang mi-received sa 60-days suspension. Pero, sa tanan nga mga opisina nga respondent nga mudawat sa maong suspension order ang opisina sa Mayor lamang ang mibalibad nga modawat sa preventive suspension order ni Mayor Samson Dumanjug.

Gumikan niining pagdumili gi-apply ni Atty. Aquino ang Section 7, Rule 1443 of the Rules of Court that allows the substituted service of summons, pinaagi sa pagpost nalamang nasangpit nga mga dokumento sa municipal bulletin board.

Subay sa Philippine law of succession si Municipal Councilors Hon. Ricky Bulahan ug Hon. Loloy Cuizon ang awtomatikong molingkod sa pagka- Mayor ug Besi-Mayor sa Bonifacio, Misamis Occidental.

Samtang si Misamis Occidental Provincial Administrator Niño Sarte ug Provincial Legal Officer Atty. Ar-reb Aquino, inubanan usab ni PNP Provincial Dir. Police Col. Anthony V. Placido ug Board Member Jerry Cuizon ang nangulo sa team nga maoy mi-served sa 60 days preventive suspension order nga pinirmahan ni Misamis Occidental Governor Henry S. Oaminal ug Vice Gov. Rowena Gutierrez.///