𝗧𝗨𝗟𝗢 𝗣𝗔𝗧𝗔𝗬 𝗛𝗨𝗠𝗔𝗡 𝗦𝗔 𝗣𝗔𝗡𝗔𝗚𝗕𝗔𝗡𝗚𝗚𝗔 𝗦𝗔 𝗕𝗨𝗦 𝗨𝗚 𝗩𝗔𝗡 𝗦𝗔 𝗡𝗔𝗔𝗪𝗔𝗡, 𝗠𝗜𝗦𝗔𝗠𝗜𝗦 𝗢𝗥𝗜𝗘𝗡𝗧𝗔𝗟; 𝟮 𝗧𝗔𝗚𝗔 𝗠𝗜𝗦𝗔𝗠𝗜𝗦 𝗢𝗖𝗖𝗜𝗗𝗘𝗡𝗧𝗔𝗟

Tulo ang gideklarang patay sa pag-abot sa tambalanan samtang daghan ang samaron human sa nahitabong panagbangga tali sa Super 5 bus ug usa ka freezer van alas 1:38 sa kadlawon sa Purok 1, Maputi, Naawan, Misamis Oriental niadtong Agosto 25, 2024

Naila ang mga namatay nga sila si 𝗔𝗻𝘁𝗵𝗼𝗻𝘆 𝗩. 𝗥𝗲𝘆𝗲𝘀 𝗻𝗴𝗮 𝘁𝗮𝗴𝗮 𝗢𝘇𝗮𝗺𝗶𝘇 𝗖𝗶𝘁𝘆, Jasper C. Haim nga taga Iligan City, ug si 𝗠𝗮𝘁𝘁𝗵𝗲𝘄 𝗝𝗼𝗵𝗻 𝗕. 𝗠𝗼𝗹𝗶𝗻𝗮 𝗻𝗴𝗮 𝘁𝗮𝗴𝗮 𝗢𝗿𝗼𝗾𝘂𝗶𝗲𝘁𝗮 𝗖𝗶𝘁𝘆.

Samtang nadala usab sa tambalanan sa Cagayan de Oro ang driver sa bus nga si Arnold Allanic, hingkod nga panuigon ug residente sa maong syudad. Base sa report gikan sa Naawan Municipal Police Station, paingon sa Iligan ang maong bus samtang paingon usab sa Cagayan de Oro ang maong van nga gimaneho ni Jolly Pilones Mangipol, nga taga Manolo Fortich, Bukidnon.

Matud pa, kalit nga mibalhin sa pikas lane ang nasangpit nga bus hinungdan nga nabangga kini sa maong van ug nahulog sa pangpang. Aduna usab mga pasahero nga nadala sa tambalanan sa Iligan ingon man sa Misamis Oriental. Nagpadayon karon ang imbestigasyon sa kapulisan labot sa maong insidente.

Samtang sa ang duha ka mga individuals nga taga Misamis Occidental ang nadala na sa ilang mga tagsa tagsa ka mga lugar kung asa sila ihaya, sa pagkakaron ang MNN mohimu sa pag followup sa nasangpit nga report.