𝗠𝗴𝗮 𝗦𝘂𝘀𝗽𝗲𝗸 𝘀𝗮 𝗽𝗮𝗴𝗽𝗮𝗻𝗴𝗹𝘂𝗻𝗸𝗮𝗯 𝘀𝗮 𝗝𝗲𝘄𝗲𝗹𝗿𝘆 𝗦𝘁𝗼𝗿𝗲𝘀 𝘀𝗮 𝗖𝗲𝗯𝘂 𝗴𝗶𝗶𝗹𝗮 𝗻𝗴𝗮 𝗺𝗶𝘆𝗲𝗺𝗯𝗿𝗼 𝘀𝗮 𝗣𝗮𝗿𝗼𝗷𝗶𝗻𝗼𝗴 𝗥𝗼𝗯𝗯𝗲𝗿𝘆 𝗚𝗿𝗼𝘂𝗽

Upat ka mga suspek nga nalambigit sa pagpanulis niadtong nakalabayng adlaw sa duha ka jewelry stores sa Calderon St., Barangay Ermita, Cebu City, giila nga mga miyembro sa Mindanao-based Parojinog robbery group.

Sumala ni Lt. Col. Maria Theresa Macatangay, deputy director for operations sa Cebu City Police Office (CCPO) ug kasamtangang spokesperson sa special investigation task force (SITG), ang upat ka suspek natultolan nga mga miyembro sa Parojinog robbery group nga nakabase sa Mindanao.

Duha kanila gituohang anaa pa sa Cebu samtang ang uban posibleng nakabiya na.

Ang uban pang lima ka suspek giila nga mga lumad sa Mindanao apan nagpuyo na sa Cebu. "Gusto nakong ipasabot nga kini nga grupo dili taga-Cebu. Nila gi-claim nga sila adunay koneksyon sa Parojinog group ug nga sila lang mangita og mga lokal nga mag-scout alang sa ilang mga target," matod ni Macatangay.

Ang driver sa getaway vehicle nagbutyag og impormasyon ngadto sa mga otoridad, apan si Macatangay wala pa mibungat og dugang detalye bahin niini.

Gipaniguro ni Macatangay sa publiko nga kung mahuman na ang tanan nga dokumento ug makuha na ang ebidensya, mahimo na silang makasampa og kaso batok sa mga kriminal.

Kung atong i balik lantaw ang Parojinog robbery group gi-report nga nalambigit sa lain-laing mga krimen sama sa mga bank robbery, ilegal nga drug trade, ug mga insidente sa pagpatay sa nagkalain-laing dapit sa nasud sa miaging mga katuigan.////