𝐔𝐍𝐀𝐍𝐆 𝐌𝐎𝐍𝐓𝐋𝐘 𝐒𝐈𝐓𝐔𝐀𝐓𝐈𝐎𝐍𝐀𝐋 𝐁𝐑𝐈𝐄𝐅𝐈𝐍𝐆 𝐊𝐀𝐔𝐁𝐀𝐍 𝐀𝐍𝐆 𝐁𝐀𝐆-𝐎𝐍𝐆 𝐇𝐄𝐏𝐄 𝐒𝐀 𝐊𝐀𝐏𝐔𝐋𝐈𝐒𝐀𝐍 𝐒𝐀 𝐎𝐙𝐀𝐌𝐈𝐙 𝐆𝐈𝐏𝐀𝐍𝐆𝐔𝐍𝐀𝐇𝐀𝐍 𝐍𝐈 𝐌𝐀𝐘𝐎𝐑 𝐈𝐍𝐃𝐘 𝐎𝐀𝐌𝐈𝐍𝐀𝐋

Niadtong miaging adlaw gipahigayon ni Ozamiz City Mayor Atty. Indy Oaminal ang unang bulan'g situational briefing kauban ang bag-ong Chief of Police sa Ozamiz, PLTCol. Harvey Abellanosa. Kini naandan na nga kalihokan nga gisugdan ni Mayor Oaminal sa iyang naunang pakigtambayayong sa kanhi COP nga si PMaj. Dennis Tano, nga karon nangulo sa 2nd Police Mobile Force Command.

Ang maong briefing nagalangkob sa mga daily situational reports gikan sa Chief of Police, naghatag og lig-on nga panglan-taw sa kahimtang sa kahusay ug kalinaw sa syudad. Kini usab ang naghatag og higayon sa Mayor nga masayran ang mga kinahanglan nga aksyon ug interbensyon aron mapalambo pa ang seguridad sa Ozamiz.

Sumala ni Mayor Indy, padayon kining buhaton aron dili masayang ang mga nabuhat sa panahon ni PMaj. Tano. Matud pa niya, "Thankful kaayo ko kay murag wala ray masayang." Sa sulod lang sa usa ka bulan sa pagserbisyo ni PLTCol. Abellanosa, adunay 4 ka malampuson nga drug buy-bust operations ug aktibong pagresponde sa nagkagamay nga mga isyu sa siyudad.

Tungod niini, masaligon si Mayor Indy nga magpadayon ang kalinaw ug kahusay sa Ozamiz ubos sa liderato ni PLTCol. Abellanosa. Iya usab gipasalig ang iyang suporta sa mga inisyatiba sa kapulisan aron mapalig-on pa ang siguridad ug kalinaw sa matag Ozamiznons aron kita Magpuyong Malinawon, Malamboon ug Malipayon.//