𝐊𝐀𝐇𝐈𝐁𝐀𝐋𝐎 𝐒𝐀 𝐄𝐂𝐎𝐋𝐎𝐆𝐈𝐂𝐀𝐋 𝐔𝐆 𝐄𝐍𝐕𝐈𝐑𝐎𝐍𝐌𝐄𝐍𝐓𝐀𝐋 𝐀𝐖𝐀𝐑𝐄𝐍𝐄𝐒𝐒 𝐒𝐀 𝐌𝐆𝐀 𝐎𝐙𝐀𝐌𝐈𝐙𝐍𝐎𝐍𝐒 𝐃𝐀𝐊𝐎 𝐔𝐆 𝐍𝐀𝐓𝐀𝐁𝐀𝐍𝐆 𝐒𝐈𝐆𝐔𝐍 𝐍𝐈 𝐂𝐃𝐑𝐌𝐎 𝐇𝐄𝐀𝐃 𝐌𝐑. 𝐆𝐔𝐀𝐍𝐆𝐂𝐎 𝐉𝐑.

Ang pag-tubo sa ecological ug environmental awareness sa mga katawhan sa Ozamiz City dako ug natabang sa pagprotekta sa nagkadaiyang marine species ug mga hayop nga mapadpad sa ilang mga lugar. Tungod niini, ang mga tawo ug mas taas nga kahibalo kung unsa ang angay nilang buhaton sa dihang makakita sila ug mga endangered species o dili pamilyar nga mga hayop sa ilang lugar, kini ang nahimong observation ni CRRMO Head Mr. Rico Guangco, Jr. atol sa interview sa mga sakop sa Media dili palamang dugay.

Ang mga katawhan ning dakbayan karon mas alerto na ug mas kahibalo kung kinsang mga ahensya ang angay nilang kontakon. Kasagaran, direkta silang mokutay gikan sa ilang Barangay Kapitan, nga siya usab dali nga mag-coordinate sa City Disaster Risk Reduction and Management Office (CDRRMO) aron mahatagan ug dayon nga aksyon ang sitwasyon. Ang CDRRMO, inubanan sa suporta ug kooperasyon sa City Environment and Natural Resources Office (CENRO), modangat dayon sa lugar aron masuta ug mahatagan ug hustong pag-atiman ang mga nakit-ang species.

Ang maong paglambo sa public awareness bahin sa ecological ug environmental protection resulta sa mga kampanya sa impormasyon nga gipaabot

gipakan sa LGU Ozamiz ubos sa pagdumala ni Mayor Indy Oaminal pinaagi sa mga ahensya nga natahasan niini. Ang mga katawhan gipahinumduman nga ang mga marine species, sama sa mga pawikan, ug uban pang mga hayop nga mapadpad sa baybayon, kinahanglan hatagan ug saktong atensyon aron malikayan ang mas grabe nga kadaot o kapeligro sa ilang kinabuhi.

Kung atong mahinumdoman nga niadtong nakalabay'ng semana usa ka patay nga green sea turtle nga gibana-bana nagkadak-on ug usa ka metro, nadagsa sa baybayon sa Barangay Pulot, nga dayon giluwas ug gitawag sa kapitan sa barangay ngadto sa mga otoridad. Tungod sa kahibalo sa mga residente, dali silang naka-report ug nahatagan ug hustong pagtagad ang maong insidente sa koordinasyon sa CDRRMO, CENRO, ug PNP Ozamiz.

Ang ingon niini nga mga inisyatibo nagpamatood nga ang pagpakabana sa ecological ug environmental issues dili lang usa ka responsibilidad sa mga otoridad, apan usa ka kinatibuk-ang paningkamot sa mga katawhan.///