ASENSO OZAMIZ ADMINISTRATION MI-AKSYON SA NAGUBA NGA DALAN DUOL SA OZAMIZ CITY NATIONAL HIGH SCHOOL

Gihatagan ug PAGTAGAD ang problema sa naguba nga kalsada duol sa Ozamiz City National High School sa Barangay Tinago, Ozamiz City, diin personal nga gisuta ni City Councilor Saulo Salvador, Chairman sa Committee on Public Works and Infrastructure.

Ang maong pag-ayo sa kalsada gikinahanglan alang sa kaluwasan ug kahapsay sa mga estudyante, uban ang tanang mga sakyanan nga mogamit sa maong dapit. Si Konsehal Salvador, uban sa suporta sa Asenso Ozamiz Administration ubos sa liderato ni Mayor Indy Oaminal, nangulo sa aksyon aron masiguro nga ang mga panginahanglanon sa mga katawhan ang matubag dayon.

Gipahayag ni Konsehal Salvador nga ang pag-ayo sa kalsada dili lamang usa ka temporaryong solusyon, kundili usa ka pagpangandam sa mas maayong dalan alang sa mga residente sa Ozamiz. Ang proyekto giila nga usa ka importante nga lakang aron masiguro nga ang mga estudyante ug tanang mga motorista mahimong luwas sa ilang pagbiyahe.

Ang Asenso Ozamiz Administration padayon nga nagtrabaho aron masulbad ang mga pressing concerns sa katawhan ug maghatag ug mga serbisyo nga mosuporta sa ilang panginahanglanon, diin kini nga proyekto usa ka tataw nga pagpakita sa ilang mga maanindot nga lakang aron sa pangkalamboan sa Ozamiz.///(GRR/MNN)