𝐁𝐀𝐑𝐀𝐍𝐆𝐀𝐘 𝐆𝐎𝐓𝐎𝐂𝐀𝐍 𝐃𝐈𝐎𝐓 𝐌𝐀𝐏𝐀𝐒𝐀𝐋𝐀𝐌𝐀𝐓𝐎𝐍 𝐒𝐀 𝐀𝐒𝐄𝐍𝐒𝐎 𝐀𝐃𝐌𝐈𝐍𝐈𝐒𝐓𝐑𝐀𝐓𝐈𝐎𝐍 𝐒𝐀 𝐏𝐀𝐆-𝐀𝐘𝐎 𝐔𝐆 𝐏𝐀𝐆𝐓𝐔𝐊𝐎𝐃 𝐒𝐀 𝐈𝐋𝐀𝐍𝐆 𝐁𝐀𝐑𝐀𝐍𝐆𝐀𝐘 𝐑𝐎𝐀𝐃
Si kanhi Gotocan Diot Punong Barangay ug kasamtangang Kagawad Jovita Neri nipadayag og pasalamat sa P3 milyones nga giapod-apod sa alang sa pagpatukod ug pagpaayo sa ilang barangay road, nga naglakip na karon sa box culvert iyang gipamahayag ang dakong katabang ang nahatag niini nga proyekto sa mga katawhan sa barangay ilabina sa mga kabatan-onan nga tinun-an ug mga katiguwangan.
Samtang si kasamtangan Gotocan Diot Punong Barangay Celedonio Neri niingon nga wala gyud gibalibaran sa Asenso Ozamiz Administration ang mga hangyo nila alang sa mga proyekto nga gihimo sa panahon sa paglingkod sa iyang asawa nga si Kagawad Jovita isip lider sa Barangay. Tungod niini, mapasalamaton usab siya sa maong mga hangyo.
Iyang gibutyag nga ang mga CVO sa barangay maghulat panahon sa baha gamit ang pisi aron makatabok ug makalikay sa disgrasya ilabi na sa mga tinun-an kon walay box culvert nga butangan sa taytayan. Dugang pa niya nga kung itandi kaniadto, ang mga estudyante karon dali ng makatabok sa maong lugara.
Ang opisyal ug katawhan sa Barangay Gotocoan Diot, nipadayag sa ilang pagpasalamat ngadto nila Congressman Ando Oaminal, Gobernador Henry Oaminal, ug Mayor Indy Oaminal ug Team Asenso Ozamiz sa paghatag ug mga proyekto bisan pa sa mga kalisdanan nga giatubang sa administrasyon bunga sa pagkunhod sa nasudnong alokasyon sa buhis sa dakbayan.
Ang saktong paggamit sa budget sa katawhan ug ang suporta sa mga lokal nga negosyante pinaagi sa pagbayad nila sa saktong buhis and nakapahimo sa Asenso Ozamiz administrasyon sa pagpadayon ug paghatag og mga proyekto, programa, ug serbisyo sa kinabuhi sa katawhan ilabina sa bukirang dapit sa dakbayan.///(GRR/MNN)
No comments