𝐋𝐢𝐛𝐫𝐞𝐧𝐠 𝐓𝐡𝐞𝐨𝐫𝐞𝐭𝐢𝐜𝐚𝐥 𝐃𝐫𝐢𝐯𝐢𝐧𝐠 𝐂𝐨𝐮𝐫𝐬𝐞 𝐚𝐥𝐚𝐧𝐠 𝐬𝐚 𝐦𝐠𝐚 𝐊𝐚𝐛𝐚𝐛𝐚𝐢𝐡𝐚𝐧 𝐬𝐚 𝐋𝐓𝐎 𝐎𝐳𝐚𝐦𝐢𝐳 𝐃𝐢𝐬𝐭𝐫𝐢𝐜𝐭 𝐎𝐟𝐟𝐢𝐜𝐞

Alayon sa kasaulogan sa National Women's Month 2024 nga may temang "Lipunang Patas sa Bagong Pilipinas: Kakayahan ng Kababaihan, Patunayan," ang Land Transportation Office (LTO) Ozamiz District Office magpahigayon og libreng Theoretical Driving Course alang sa mga kababaihan.

Ang maong aktibidad mahitabo karong Marso 16-17, 2024, alas 8:00 sa buntag hangtud alas 5:00 sa hapon, sa City Hall (ABC Building) Ground floor dapit sa CPDO Office Para mahimong mas sayon alang sa mga kababaihan ang pagkuha og driver's license ug mas mapadali ang ilang pag-agi sa proseso sa pagkuha niini.

Kini nga libreng Theoretical Driving Course aron mahimong mas mahasa ug mahapsay ang pagtudlo sa mga kababaihan kabahin sa traffic rules, road signs, ug uban pa nga kaalam sa pagmaneho. Kini usab nagtumong sa pagpalambo sa kahibalo ug kandam sa mga kababaihan sa pagmamaneho alang sa ilang behikolo ug kaluwasan sa kadalanan.

Ang LTO Ozamiz District Office nagtuo nga pinaagi sa paghatag og libreng kursong pang-theoretical driving, mas mapalapdan pa ang kaalam ug kahibalo sa mga kababaihan kabahin sa pagmaneho, nga magdala og positibong epekto sa pagseguro sa kadalanan ug sa kinabag-ohan sa pagmaneho sa nasud.///(GRR/MNN)