𝗔𝗦𝗘𝗡𝗦𝗢 𝗣𝗔𝗠𝗜𝗟𝗬𝗔: 𝟭 𝗣𝗥𝗢𝗙𝗘𝗦𝗦𝗜𝗢𝗡𝗔𝗟 𝗣𝗘𝗥 𝗙𝗔𝗠𝗜𝗟𝗬 𝗛𝗜𝗡𝗚𝗣𝗜𝗧 𝗡𝗔𝗡𝗚 𝗚𝗜𝗟𝗨𝗦𝗔𝗗 𝗦𝗔 𝗢𝗭𝗔𝗠𝗜𝗭 𝗖𝗜𝗧𝗬

 

Tungod sa tumong sa Asenso Misamis Occidental Administration ubos sa lederato ni Governor Henry Oaminal nga ang matag pamilya'ng Ozamiznons makabaton ug professional labi na niadtong mga kabataan nga pursidigo mo eskwela apan anaa sa tumang kalisod kini mamahimong dagkong katabang kanila aron nga maka padayon sa pagtungha pinaagi niini nga programa sa pagagamhanan sa Misamis Occidental.

Mokabat sa mokapin usa ka libo ka mga kabataan ang nahimong nakabinipisyo sa maong programa kinsa nag tungha karon sa kolehiyo apan tungod sa hangyu sa pipila ka mga Ozamiznons nga aduna pa'y mga kabataan nga gusto mo avail sa maong scholarship maong sa walay pagduhaduha si 2nd District Congressman Ando Oaminal mi-alokar usab ug 200 ka slot alang sa mga Ozamiz kini sigun usab ni Mayor Indy Oaminal.

Niadtong Agosto 24, 2023 gi-pahigayon ang Orientation ug Ceremonial nga pagperma usab sa ilang memorandum of agreement (MOA) tali sa grantees ug sa pagagamhanan.

Gipaabot sa mga opisyal ning syudad ug probinsya ang ilang pagdasig sa mga kabataan labi nga naka binipisyo sila sa nasangpit nga programa dili unta nila sayangon ug mobuhat sa ilang tahas isip nga maayo nga estudyante nga makahatag dakong tampo labi na sa syudad ug probinsya ug sa tubuok nasud.

Dako ang pagpasalamat sa mga grantees sa nasangpit nga programa sa pagagamhanan nga probinsyal ug lokal ngadto nila Mayor Indy Oaminal, Governor Henry Oaminal ug 2nd District Congressman Ando Oaminal kinsa mihimo sa maong dalaygunon nga programa ug dagkong katabang sa matag pamilya'ng Misamisnons.///(GRR/MNN)