FINANCIAL ASSISTANCE ALANG SA MGA PAMILYA NGA NAWAD-AN UG MINAHAL SA KINABUHI ATOL SA MASSIVE FLOODING SA MISAMIS OCCIDENTAL PERSONAL NGA GITUNOL NI GOV OAMINAL

Dili palamang dugay mismon si Working Governor Henry S. Oaminal personal ang mitunol sa Financial Assistance sa mga Pamilya nga nawad-an sa ilang mga minahal sa kinabuhi atol sa grabeng pagbaha sa probinsiya tungod sa Shearline ug LPA niadtong Disyembre 2022.

Gipahayag ni Governor Oaminal ngadto sa mga receiptient sa hinabang nga una na silang gitabangan sa ilang mga LGU, ug karon siya na usab ang mohatag ug dugang hinabang ngadto kanila. 

Gipahayag sa gobernador nga matag usa makadawat ug P20,000 gikan sa kagamhanang probinsyal sa Misamis Occidental ug gawas niini, dungagan pa gikan sa iyang personal nga pundo ug P10,000. Kini kinasingkasing nga gihatag gikan sa iyang pamilya.

Gisultihan sa gobernador ang mga hingtungdang pamilya nga sila na ang mahibalo sa naasoyng gamayng salapi kung unsaon kini aron makatabang sa kanila ug mahilona ilang mga minahal sa kinabuhi.

Nakabungat ug Pasensya sa nahitabong trahedya ang gobernador pero sumala pa niya maningkamot sila uban sa mga lideres ug ni Vice Governor Rowena Gutierrez ug sa mga sakop sa Hunta Probinsyal nga himoon pa nila kung unsa ang angayang buhaton para makatabang kanila nga biktima sa trahedya, nagkanayon si Governor Henry S. Oaminal