𝟯𝟬𝟬 𝗞𝗔 𝗦𝗘𝗘𝗗𝗟𝗜𝗡𝗚𝗦 𝗚𝗜𝗧𝗔𝗡𝗢𝗠 𝗦𝗔 𝗢𝗭𝗔𝗠𝗜𝗭 𝗖𝗜𝗧𝗬 𝗔𝗟𝗔𝗡𝗚 𝗦𝗔 𝗡𝗗𝗥𝗠 𝗨𝗚 𝗡𝗨𝗧𝗥𝗜𝗧𝗜𝗢𝗡 𝗠𝗢𝗡𝗧𝗛

 Agig kabahin sa pagsaulog sa National Disaster Resilience Month ug Nutrition Month 2026, nagpahigayon ang Local Government Unit sa Ozamiz og Tree Planting Activity aron mapalig-on ang pagpanalipod sa kinaiyahan ug pagdasig sa food security sa komunidad.

Gipangunahan sa City Disaster Risk Reduction and Management Office (CDRRMO) ang pagtanom sa 200 ka Narra tree seedlings ug 100 ka Palawan Cherry seedlings, nga adunay kinatibuk-ang 300 ka seedlings, subay sa Labo River aron makatabang sa pagpugong sa pagbaha ug pagpanalipod sa suba.

Samtang sa nagkadaiyang barangay sa siyudad, gipatuman usab ang pagtanom og mga fruit-bearing trees ubos sa programa sa City Nutrition Office isip kabahin sa kampanya alang sa husto nga nutrisyon ug lig-on nga food security.

Gipasiugdahan ang maong kalihokan sa Kanunay Asenso Ozamiz Administration ubos sa pagpangulo ni Mayor Sam Norman Go Fuentes, kauban si Vice Mayor Simplicia Neri, mga miyembro sa Sangguniang Panlungsod, pinaagi sa CDRRMO ug City Nutrition Office.

Mitambong usab ang mga opisyal sa barangay, mga kawani sa gobyerno, volunteers, ug nagkadaiyang government ug non-government organizations (NGOs) nga nagpakita sa ilang suporta sa kampanya alang sa pagpalig-on sa disaster resilience, pag-atiman sa kalikupan, ug pagpauswag sa panglawas sa katawhan.

Ang maong inisyatiba nagpakita sa hiniusang paningkamot sa lokal nga panggamhanan ug mga stakeholder sa pag-andam sa komunidad batok sa mga kalamidad samtang gipasiugda usab ang malungtarong pag-atiman sa kinaiyahan.///