NMRAA 2025 MALAMPUSON NGA NAPAHIGAYON SA MISAMIS OCCIDENTAL

Nagpahayag sa iyang mapasalamatong mensahe si Schools Division Superintendent Reynaldo E. Manuel, Jr., PhD., CESO V alang sa atong halangdong Gobernador, Atty. Henry S. Oaminal, tungod sa iyang lig-on nga pagpangulo ug walay puas nga suporta nga nagdala sa malampusong pag-host sa Northern Mindanao Regional Athletic Association (NMRAA) 2025.

MisOcc Gov Henry Oaminal

Gipasidunggan usab ni SDS Rey ang dedikasyon sa mga working committees ug Technical Working Groups nga walay hunong sa ilang pagpangabudlay aron masiguro ang hapsay ug organisadong dagan sa maong halangdong kalihokan. Matod niya, ang ilang pagkamabinantayon ug matinud-anong pagpangandam maoy hinungdan sa kalampusan sa NMRAA Meet karong tuiga.

Ang panaghiusa ug tinud-anay nga kolaborasyon sa nagkadaiyang sektor nagpakita sa gahum sa usa ka tinud-anay nga panlantaw alang sa kalambuan sa sports. Ang NMRAA 2025 usa ka buhi nga pruweba sa kakugi, determinasyon, ug suporta sa katawhan sa Misamis Occidental alang sa atong mga atleta.