BAG-ONG HIMUGSO NGA BATA GIBALIGYA SA GINIKANAN ARON ADUNAY IKAPLIT OG SHABU

Sikop sa mga otoridad ang mag-live in partner human nga ilang gibaligya ang kaugalingon nga anak sa kantidad nga P30,000 aron nga adunay ikapalit og shabu sa Cebu City.

Base sa report giila ang mga nasikop nga silang Jay ug Karen nga gikaingon nga mga residente sa Barangay Guadalupe sakop sa maong syudad. Sa pamahayag PLt. Col. Maria Theresa Macatangay sa Cebu City Police nga 22 ka adlaw pa lamang gipakatawo ang maong bata. Sumala nga gibaligya sa mga suspek ang ilang anak sa kantidad nga P100, 000 apan P30, 000 na lamang ang ilang nakuha human napaingon ang P57, 000 sa middleman. Sumala pa nga nadiskubrehan ang insidente human nga giistorya sa menor-de-edad nga anak sa mag-live in partner sa ilang silingan nga gibaligya matud sa ilang ginikanan ang iyang manghod. Gisaysay usab sumala pa sa maong menor de edad nga gisaaran kini sa iyang ginikan nga palitan og cellphone basta dili magsaba sa bisan kini. Migula sa imbistigasyon nga gigamit sa maglive-in partner pagpalit sa droga ang halin sa ilang anak. Sa kasamtangan balhog na ang mga nasampit sa maong Police Station nga nakatakda pasakahan og tukmang mga kaso.