𝐏𝐔𝐁𝐋𝐈𝐂 𝐇𝐄𝐀𝐑𝐈𝐍𝐆 𝐚𝐥𝐚𝐧𝐠 𝐬𝐚 𝐃𝐮𝐡𝐚 𝐤𝐚 𝐩𝐫𝐨𝐩𝐨𝐬𝐞𝐝 𝐨𝐫𝐝𝐢𝐧𝐚𝐧𝐜𝐞 𝐠𝐢𝐩𝐚𝐡𝐢𝐠𝐚𝐲𝐨𝐧 𝐬𝐚 𝐊𝐨𝐧𝐬𝐞𝐡𝐨 𝐬𝐚 𝐎𝐳𝐚𝐦𝐢𝐳

 Niadtong miaging adlaw gipahigayon ang usa ka Public Hearing sa konseho sa Ozamiz mahitungod sa duha ka bag-ong ordinansa nga magdala ug mga positibong kausaban sa siyudad una ang "Uniform Rates for Barangay Taxes, Fees, and Charges Ordinance" ug ang "Ozamiz City Healthcare Waste Management Ordinance." nga Gipangunahan ni Majority Floor Leader Mars Tapayan ang nasangpit nga Public Hearing kauban ang mga konsehales gitambongan usab sa mga Business Sectors, Barangay Captains, Hospital Owners aron nga mamati ug mo hatag sa ilang mga nagkadaiyang suwestyon alang sa maong proposed ordinance.

Kini nga ordinansa naglatid sa pagpatuman ug parehas nga mga fees, ug charges sa tanan nga barangay sa syudad labi na niadtong mga mokuha ug certification gikan sa Barangay. Ang tumong niini mao ang pag-establisar ug uniform rate aron patas ug klaro ang pagdugang sa pondo alang sa mga barangay nga gigamit sa mga serbisyo sa komunidad. Makatabang kini nga ordinance sa mga barangay nga kulang sa pondo ug magpabilin nga patas ug klaro ang koleksyon sa mga buhis ug kini mas makapadali usab sa mga business owners kinsa mag process sa ilang mga permits tungod kay kini paagi aron nga mamahimong ONE STOP SHOP na.

Samtang ang City Solid Waste Environmental Management Office kon SWEMO pinaagi ni Engr. Borje ang mipaabot usab sa ilang tinguha kabahin sa ika duha mao ang Ozamiz City Healthcare Waste Management Ordinance. Kini nga ordinansa naghatag ug istriktong pamalaod sa paghandle ug pagdispose sa healthcare waste sa syudad. Ang mga basura gikan sa klinika, laboratoryo, ug botika kinahanglan nga tukmang atimanon aron malikayan ang peligro nga dala sa mga hazardous ug special waste. Ang tumong niini mao ang pagprotekta sa kahimsog sa katawhan ug kalikopan pinaagi sa husto ug responsable nga pagdisposo sa mga basura nga makadaot sa palibot ug sa panglawas.

Ang Asenso Ozamiz Administration ubos sa pagpangulo ni Mayor Indy Oaminal nagtinguha alang a kaayoha ug pagpa lig-on sa mga nagkadaiyang pamalaod ning dakbayan kini nga mga ordinansa nagpakita sa seryoso nga kampanya sa siyudad aron mahatagan ug maayo nga serbisyo ang katawhan ug maprotektahan kinaiyahan.

Gibutyag ni City Councilor Atty. Mars Tapayan nga ilang paningkamotan sa Konseho nga mapasar ang maong duha ka proposed ordinance inubanan sa makuti nga deliberasyon sa di pa mahuman ang tuig.///(Glenn Ray Roluna/MNN)
#MisamisNewsNetwork