𝐌𝐢𝐬𝐚𝐦𝐢𝐬 𝐎𝐜𝐜𝐢𝐝𝐞𝐧𝐭𝐚𝐥 𝐧𝐚𝐤𝐚𝐝𝐚𝐰𝐚𝐭 𝐮𝐠 𝐩𝐚𝐬𝐢𝐝𝐮𝐧𝐠𝐨𝐠 𝐬𝐚 𝐁𝐋𝐆𝐅 𝐚𝐥𝐚𝐧𝐠 𝐬𝐚 𝐎𝐮𝐭𝐬𝐭𝐚𝐧𝐝𝐢𝐧𝐠 𝐆𝐫𝐨𝐰𝐭𝐡 𝐢𝐧 𝐋𝐨𝐜𝐚𝐥 𝐑𝐞𝐯𝐞𝐧𝐮𝐞𝐬 𝐈𝐥𝐚𝐥𝐨𝐦 𝐬𝐚 𝐥𝐢𝐝𝐞𝐫𝐚𝐭𝐨 𝐧𝐢 𝐖𝐨𝐫𝐤𝐢𝐧𝐠 𝐆𝐨𝐯𝐞𝐫𝐧𝐨𝐫 𝐇𝐞𝐧𝐫𝐲 𝐒. 𝐎𝐚𝐦𝐢𝐧𝐚𝐥

 Ilalom sa dinamiko nga liderato ni Working Governor Henry S. Oaminal, malampuson nga nakadawat ang lalawigan sa Misamis Occidental ug usa ka prestihiyosong pasidungog gikan sa Bureau of Local Government Finance (BLGF). Ang lalawigan nakasulod sa Top 5 sa tibuok nasud tungod sa halangdong year-on-year growth sa local revenues alang sa Fiscal Year 2023. Mismo si Governor Oaminal kauban sa pipila ka mga provincial department heads ang midawat sa maongaward didto sa kaulohan niadtong October 9, 2024.

Ang BLGF naghatag sa maong pasidungog isip ilhon ang mga local government units (LGUs) nga nagsunod sa exemplary financial management, epektibong revenue generation, ug sustainable nga growth initiatives. Sa tibuok nasud, gipili ang Misamis Occidental isip usa sa labing maayo nga maningkamot sa pagpalambo sa income gikan sa lokal nga mga pundo.

Sa FY 2023, ang Misamis Occidental nagpakita sa halapad nga pagtubo sa local income, nga mao ang resulta sa panaghiusa ug dedikasyon sa mga opisyal sa lalawigan ilabi na ang liderato ni Gov. Oaminal. Pinaagi sa mga inisyatibo sa administrasyon nga nakasentro sa transparency, accountability, ug maayo nga pamalaod, napalambo ang revenue mobilization sa mga lokal nga komunidad.

Ang pasidungog nga nadawat sa lalawigan nagpamatood nga ang Misamis Occidental padayon nga nagset og mga standard sa kaangayan, integridad, ug pagka-epektibo sa revenue generation ug local governance, nga nagdala sa maayong kaugmaon para sa tanan labi na sa mga Misamisnon.///(Glenn Ray Roluna/MNN)