𝐔𝐧𝐚𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐃𝐢𝐬𝐚𝐛𝐢𝐥𝐢𝐭𝐲 𝐏𝐫𝐞𝐯𝐞𝐧𝐭𝐢𝐨𝐧 & 𝐑𝐞𝐡𝐚𝐛𝐢𝐥𝐢𝐭𝐚𝐭𝐢𝐨𝐧 𝐂𝐞𝐥𝐞𝐛𝐫𝐚𝐭𝐢𝐨𝐧 𝐬𝐚 𝐌𝐢𝐬𝐚𝐦𝐢𝐬 𝐎𝐜𝐜𝐢𝐝𝐞𝐧𝐭𝐚𝐥, 𝐦𝐚𝐥𝐚𝐦𝐩𝐮𝐬𝐨𝐧 𝐧𝐠𝐚 𝐠𝐢𝐩𝐚𝐡𝐢𝐠𝐚𝐲𝐨𝐧

Usa ka programa ang gipahigayon sa Provincial Government sa Misamis Occidental, pinangulohan sa Persons with Disability Affairs Office (PDAO). Ang maong kalihukan nag-umol og kalingawan nga dili makalimtan, diin ang mga Persons with Disabilities (PWDs) gikan sa nagkalain-laing LGUs nagpakita sa ilang talagsaong mga talento sa pag sayaw ug pag awit.

Ang gobernador sa probinsya, si Working Governor Henry Oaminal, misentro sa importansya sa pagtahod sa katungod ug dignidad sa matag usa. Ang pasalig sa probinsya sa Misamis Occidental alang sa mga PWDs nagpakita sa ilang padayon nga pagpalambo sa kalidad sa kinabuhi sa mga katawhan, pinaagi sa mga inisyatiba nga nagtumong sa pagsiguro sa inklusibong kalambuan.

Ang mga PWDs nga mitambong sa kalihukan nagpamatuod sa ilang mga abilidad ug gipakita, ug ang kalihukan mihimo og usa ka buhing testamento sa panaghiusa ug suporta alang sa mga PWDs sa probinsya.///