BEAUTIFICATION SA CENTER ISLAND

Ang mga lumilihok sa Barangay Gango sa pagpangulo ni Kapitan Reymunda Bendijo nagpahigayon sa ilang pagpanglimpyo, pagtanum ug mga bulak sa center island nga anaa nahimotang sa ilang Highway. Kini usa sa mga nasabutan sa mga Liga ng Barangay sa Ozamiz sa mga nagkadaiyang Kapitanes sa 51 Barangays kung asa gidasig nila Konsehal Carlo Murallon ang mga opisyales sa Barangay sa pagpangulo sa pagpanglimpyo sa ilang mga nagkadaiyang center Island aron nga mas maanindot tan-awon sa mga katawhan labi na niadtong mo agi sa ilang tagsa tagsa ka mga Barangay. 

Supporta usab kini nila ngadto sa Asenso Ozamiz Administration ubos sa pagdumala ni Mayor Atty. Indy Oaminal alang sa mas nindot, limpyo ug luwas nga dakbayan tungod kay ang mga lederes ning probinsya sa Misamis Occidental sa pagpangulo ni Governor Henry S. Oaminal ug 2nd District Congressman Cong. Ando Oaminal, nagpakita usab kini sa pagkahiusa sa mga katawhan aron nga makab-ot ang 5Ms Misamisnon Magpuyong Malinawon Malambuon ug Malipayon. Hisayran nga ang mga Barangay's usab nga adunay mga Center Island ang mibuhat usab sa ingon sa pagpanglimpyo ug dahoman nga sa di madugay ilaha na usab kini nga tanuman.