LGU OZAMIZ MIDUYOG SA PAGHANDOM SA IKA 125th PHILIPPINE INDEPENDENCE DAY; MAYOR INDY OAMINAL NANGULO

 

Courtesy of Asenso Ozamiz News Channel 

Gipangunahan mismo sa Ozamiz City Mayor Atty. Indy Oaminal ang gipahigayon nga usa ka hamubo apan makahuloganon nga programa duyog sa tibuok nasud Pilipinas sa 125th Araw ng Kalayaan nga adunay tema karong tuiga nga "Kalayaan. Kinabukasan. Kasaysayan" nga gipahigayon sa Prospera Park, City Hall Ozamz City.

Gisugdan ang maong programa sa usa ka Flag Raising Ceremony sa City Hall Ground pinaagi sa mga nagkadaiyang buhatan national ug lokal mga empleyado ug nagkadaiyang sektor nga lakip sa maong aktibdad human niana sa atobangan mismo sa bantayog sa bayani sa Pilipinas Dr. Jose Rizal nga naa sa Prospera Park gipahigayon ang usa ka programa.

Si City Vice Mayor Simplicia Neri mihatag sa iyang welcome message alang sa maong kalihokan diin siya nanghinaut nga sa kanunay anaa moturok ning kasingkasing sa matag usa ang kagawasan.

Samtang sa Inspirational Message usab nga gipadangat ni Mayor Atty. Indy Oaminal Jr. gidayag niini nga kabayanihan ug sakripisyo nga gibuhat sa mga bayani ning nasud nga nahimong instrumento alang sa pagkab-ot sa kagawasan nga atong natagamtaman karon.

Dugang pa ni Mayor Indy nga mapakita o mabuhat natu ang atong pagka gawasnon isip nga Pilipino pinaagi sa pagbuhat sa inaskto nga mga disisyon ug ang pagsunod kung onsay nahisubay sa balaod.

Gitapos ang maong programa sa usa ka hinusang pag kanta sa "Ako ay Pilipino" pinaagi usab sa LGU Ozamiz Chorale ug gisunod usab dayon ang picture taking ngadto sa mga nagkadaiyang perosonahe sa nagkadaiyang buhatan.///(GRR/MNN)