LALAKI SIKOP SA PNP OZAMIZ SA PAGHUPOT SA IHALAS NGA ARMAS UG MGA BALA

Wala makaikyas sa balaod si Ronifer Ligas Murallon, 35 years old, Construction worker, duna'y live in partner ug residente sa P-4 Brgy. Carangan, Ozamiz City human gi serve sa Ozamiz PNP ang bitbit nga Search Warrant no. 2023-05 nga gipagawas ug pinirmahan niadtong March 1, 2023 ni Ozamiz City MTCC 10th Judicial Region Executive Judge Llani Sacote Valconcha.

Basi sa search warrant, gimandoan ni Judge Valconcha ang mga kapulisan sa pagpangita ug pagkumpiska sa giingon nga ihalas nga armas uban sa mga buhing bala nga gitagoan sa panimalay ni Ronifer Murallon.

Si PCAPT Joseph Cagbabanua ang Operation Officer sa Ozamiz City Police Station ubos sa supervision ni PMAJ Dennis Peñas Tano ang nanguna sa pag serve sa Search Warrant ngadto sa panimalay ni Murallon kagabie March 3, 2023.

Diin nakuha mismo sa iyang panimalay ang usa ka improvised shotgun, tulo ka mga buhing bala niini ug usa ka magazine sa taas nga armas.

Ang maong pag serve sa Search Warrant ang gi saksihan mismo ni Brgy. Carangan konsehal Evelyn Lumacad, DOJ Representative ug sakop sa Local Media.

Si Murallon ang kasamtangan nga balhog karon sa Ozamiz City Police Station detention cell aron atubangon ang tukmang kaso nga gipasaka batok kaniya.//(Katawhan sa Probinsya)