GOVERNOR HENRY OAMINAL SR. GUEST OF HONOR SPEAKER ATOL SA 37TH COMMENCEMENT EXERCISES SA GADTC

 

Si  Working Governor Henry S. Oaminal mitambong sa 37th Commencement Exercises sa Governor Alfonso D. Tan College GADTC isip guest of honor ug speaker, niadtong Marso 14, 2023 sa People's Gym, Tangub City.

Gipahayag  niini nga  Isip gobernador ug public servant, mao gyud ang iyang  labing prayoridad nga suportahan ang sektor sa edukasyon tungod kay nagtuo siya nga ang edukasyon mao ang yawe sa kalampusan. 

Matud pa ni Gobernador Oaminal nga ang Edukasyon maoy ilang maangkon sa tibuok kinabuhi. Mao nga isip lihok sa kagamhanang probinsiyal sa pagsuporta sa institusyon, ang administrasyong Asenso nihatag og kantidad nga P20 milyones ka pesos alang sa pagpahuman sa ilang school building.

Nagtuo ang gobernador nga dako kinig ikatabang sa pag-akomodar sa daghang mga estudyante ug paghatag kanila sa komportable ug maayong palibot sa pagkat-on.

Giawhag sa gobernador ang tanang mga gradwado nga magkinabuhi kanunay sa kinauyokan nga mithi sa integridad, kaluoy ug kamaayo nga giamuma ug giumol sa ilang tunghaan.///