MGA NABIKTIMA SA SUNOG SA BARANGAY LAM-AN OZAMIZ CITY GIHATURAN UG AYUDA GIKAN SA PAGAGAMHANAN

Ozamiz City - Karong adlawa Feb 8, 2023 gihaturan ang 12 ka mga pamilya nga nasunogan kagahapong adlawa Feb 7, 2024 sa Barangay Lam-an, Ozamiz City nga anaa karon temporaryo nga gi bakwit sa Physician Club House ang 12 ka mga pamilya nga naapektohan sa maong sunog.

Mismo si Board Member Sunny Oaminal ngalan sa Provincial Government inubanan sa mga kawani sa DSWD Region X ug sa Local Government Unit of Ozamiz ubos sa pagpangama ni Mayor Atty. Indy Oaminal Jr. pinaagi sa CSWD aron nga mahatud ang tabang nga gikan mismo sa DSWD.

Nadawat sa matag pamilya ang gikan sa Provincial Government nga usa ka sako nga bugas, assorted goods ug cash nga mobalor ug 3k pesos samtang ang gikan usab sa LGU Ozamiz nga gikan sa DSWD nga gipaningkamotan nga mahatud ngadto sa matag pamilya ang relief supplies ug hygiene kit.

Samtang sigun usab ni Board Member/Lam-an Barangay Kapitan Sunny Oaminal nga human nauyonan sa Barangay Council aside sa ang Barangay maoy nag provide sa pagkakaron sa ilang inadlaw nga pagkaon adunay madawat nga tag 5k ayuda ang matag pamilya na gikan sa Calamity Fund sa Barangay.

Dako ang pagpasalamat sa mga nasunogan sa ilang mga nadawat nga hinabang gikan sa Provincial Government pinaagi ni Governor Henry Oaminal Sr. ug Ozamiz City Mayor Atty. Indy Oaminal Jr. tungod kay kung wala ang ilang mga pagpaningkamot dili gilayod mahatud ang maong mga ayuda nganha kanila.