MGA BARANGAY SA OZAMIZ NGA NAKAKUHA SA 80% COVID-19 BOOSTER RATE COVERAGE NAKADAWAT SA ILANG P20K CASH BONUS

Nadawat na sa mga barangay ang ilang P20K cash bonus gikan ni Mayor Atty. Indy Oaminal ug Padayon Asenso Ozamiz administration, kini atol sa unang Liga ng mga Barangay meeting nga gipangunahan sa mayor, Huwebes, Pebrero 2, 2023, nga gipahigayon sa New Asenso Ozamiz Session Hall.

Mihatag ug cash incentives si Governor Henry Oaminal ug Mayor Indy aron mahagit ug madasig ang mga kapitan sa pagpa-booster sa ilang mga constituents aron maprotektahan gikan sa Covid-19. Naghatag usab si Mayor Indy ug incentives sama sa bugas ug canned goods aron sa pag-awhag gayod sa mga Ozamiznon sa pagkuha ug dugang proteksyon gikan sa virus.

Dako gayod ang kalipay ug pasalamat sa mga kapitan sa gihatag nga incentives tungod kay sumala pa nila, lisod ug dako gayod nga hagit ang pagkumbinsir sa katawhan nga magpabakuna ug magpa-booster ilabina nga nakita sa uban nga gamay nalang ang mga kaso sa Covid-19 dinhi sa syudad.

Ang 27 ka mga barangay sa dakbayan nga nakakuha sa 80% coverage sa Covid-19 booster mao ang Carangan, Manaka, 50th District, Lam-an, Cogon, Kinuman Norte, Dalapang, Pantaon, Litapan, Gala, Guingona, San Roque, Mentering, Carmen Annex, Capucao C, Sangay Daku, Bacolod, Cavinte, Tinago, Catadman-Manabay, Tabid, Balintawak, Aguada, Gotocan Daku, Sta. Cruz, Stimson Abordo ug Dimaluna. ///(Asenso Ozamiz News Channel)