KONSEHAL DINGKY SUIZO ADUNAY PAGPASABOT SA GIIMPOSAR SA LGU OZAMIZ KABAHIN SA MGA GIPANGTUKOD NGA BAR ESTABLISMENT
Ozamiz City - Tungod kay ang pagagamhanan nga lokal sa Ozamiz ubos sa lederato ni Mayor Indy Oaminal Jr. PRO FAMILY ug tuyo nga ang mga kabataan mahalikay sa mga nagkadaiyang bisyo maong ang LGU Ozamiz mibuhat usab ug mga lakang sama niini ang istrikto nga pagpa imposar sa Ordinance No. 500, Ordinance No. 567 ug Ordinance No. 1085-17
Hisayran nga ang mga ORDINANSA gadili sa pagpamaligya ug ilimnong makahubog ug sa pag OPERATE SA mga bars o nightclubs sulod sa gilay-on nga 100 metros gikan sa tulunghaan, Simbahan, hospital, stadiums ug mga parke.
Nagkanayon si Konsehal Suizo nga si Mayor Indy nagpangita ug usa ka lugar kung asa kini pwede mapahiotang ang maong negosyo nga halayo sa mga lugar nga gibawalan sa balaod.
Kung atong mahinumdoman nga ang dakbayan sa Ozamiz nahimong learning hub dinhi nga bahin sa probinsya sa Misamis Occidental, Lanao Del Norte ug Zamboanga Del Sur tungod kay anaa man dinhi ang mga dagko ug ilado nga mga tulonghaan ug dagha'ng dus-og sa mga estudyante ang anas ning dakbayan.///(GRR/MNN)
No comments