OZAMIZ CITY MIDUYOG SA PAGSAULOG SA IKA-30 NGA NATIONAL CHILDREN’S MONTH

Ang mga bata ug kabatan-onan maoy nahimong bida atol sa flag-raising ceremony kagahapon Lunes sa LGU-Ozamiz samtang ang dakbayan miduyog sa 30th National Children’s Month Celebration, nga gisaulog sa Nobyembre sa Pilipinas matag tuig.

Ang tibuok buwan nga selebrasyon nga nagdala sa tema nga “Kalusugan, Kaisipan, at Kapakanan ng Bawat Bata Ating Tutukan!”, ang selebrasyon sa National Children’s Month nagtumong sa paghatag ug access sa mga kabataang Pilipino sa himsog nga palibot, maayong edukasyon, ug pag-atiman sa panglawas. 

Sama sa giingon sa atong nasudnong bayani, Dr. Jose P. Rizal, "Ang kabatan-onan ang paglaom sa nasud", busa angayan lamang nga mamuhunan sa mga bata alang sa kauswagan sa sunod nga henerasyon. Ang selebrasyon karong bulana nasentro sa mga paagi nga kita makatabang ug makasuporta kanila.

Ang mga intermission number gipresentar sa mga World Vision recipients ug mga bata nga gipasiugdahan sa World Vision ug mga pre-schooler gikan sa lain-laing Child Development Centers sa siyudad.

Ang invocation ug ang Pambansang Awit gipangulohan sa La Salle University School for the Deaf. Si Bise Mayor Simplicia O. Neri nipadangat ug mensahe sa ngalan ni Mayor Henry F. Oaminal, Jr., samtang si Konsehal Anita M. Linsag, ang Chairman sa Social Services and Community Development/ Women, Children & Family Welfare Committee mihatag sa Panapos nga pakigpulong.///(GRR)