JACKET NGA ADUNAY MARKA NGA PASIDUNGOG ALANG SA USA KA MAAYONG LUNGSORANON GIHATAG NGADTO SA DRIVER UG BAOBAO

Hingpit nang nadawat ni Marcus Trumata nga taga Baybay Maningcol, Ozamiz City kinsa nahatagan ug award sa LGU Ozamiz tungod sa ilang mga nahimong kaayo ilabi na ang pag uli sa mga nagkadaiyang butang nga dili iya na nahabilin sa iyang bao bao nga depasayroan na motor.

Mismo si Konsehal Lorlie Fuentes Cipres ang mihatag niini ngadto ni Mr.Trumata ang Limited Edition nga jacket nga adunay special nga marka " PASIDUNGOG ALANG SA USA KA MAAYONG LUNGSORANON ""

Kung atong mahinumdoman nga naidtong Oktobre 3, 2022 nahatagan sa pasidungog si Mr. Trumata gikan sa LGU Ozamiz pinasikad sa City Ordinance nga gi-panday sa mga babalaod ning dakbayan ug gi aprobahan usab ni City Mayor Atty Indy Oaminal Jr. 

Dako ang pagpasalamat ni Marcus Trumata sa gihatag niini nga jacket gikan ni Konsehal Lorlie maong di matugkad ang iyang kalipay ug sa LGU Ozamiz sa gihatag niini nga pagpasidongog.